Galatfahmiyan - Misunderstanding

Galatfahmiyan ek ajeeb alfaaz hai iss mayaan mein .. 

Bachpan mein kitabon mein bhi naa padha jisse !

Soocha na tha choti si galatfahmi kardegi judaa hum ko ..

Halaat itnaay badal jayenge maloom na tha hum ko !

Thaa itna kamzor rishta hamara samjhaa na tha hum nee ..

Jisse ek pal bhar mein tod diya tumne !

Kaash tum uss pal thoda theher jaate ..

Mein galatafahmi ka parda uthaa ke sachai ki jhalak dikhlata !

Galatfahmi kuch is qadar hogaye hai tumhe .. samajhte nahi jo kuch bol jaate hoo ..
Aur bina soche tolte hoo har baat meri !

Hadh ki imtihaan hogaye jab khud sawaal pooch kar .. 
Khudi jawaab banalete hoo mann mein !!

Pehli Mulaqaat

Woh pehli mulaqaat aur bheege se jazbaat .. Nahi bhula pata woh din aur woh haseen lamhe ..

Mulaakaat thee pehli aur hum dono hee thee bebas .. woh apni zulfein na sambhaal paye aur hum khud ko !

Kareeb joh aaye hum unse milne .. na jaane kyun sansein unki tham si gayi  ..

Dunia bhar ke joh baatein thee saab tham se gaye ! 

Khamosh toh unke bhi honth thee .. Nazrein unki bhi jhuki thee ..

Bikri huwe woh zulfein unki kuch ishara kar rahi thi .. Ishare toh khair woh mujhko apna sa kar gaye !

Woh pehli mulaqaat aaj bhi taaza hai zehan mein mere ! !

Samjhauta

Manaane aur Rooth jaane ke khel mein .. Hum ek dusre se dur hogaye ..

Chalo ek samjhauta karte hai !

Tum mujhse baatein karna .. Aur mein tumhe yaad karunga ..

Kabhi tanha tehalte hue kamre mein apne joh aankhein bar aaye

Tum mujhe yaad kar ke muskurana .. Mein bhi tumhe yaad karke dil apna behlaya kaunga !

Toofani baarish mein baccho ko khelte dekh .. Jo hum bhi saath khela karte thee ..

Tum woh bheege pal tasavvur mein lana .. Aur mein woh lamhe yaad karunga !

Chalo Ek Samjhuta Karte Hai !

Jazbaat

Jazbaat mere kuch khoye huye se hai.. Kahu kaise woh tumse kuch sharmaye huye hai ..

Mere jazbaat say waqif hai mere kalam .. Main pyaar likhun toh tumhara naam likh aata hai !
 

Karun khud se baatein mein tumhari .. jaise tum samne baithe hoo aur sun jaatee har baat meri ..  

Neendein mujhe raaton mein jab sataatee .. Dekhun tumhari tasveer aur tum aajao mujhe sulane !
 

Mere veeraange ke chaadar mein ek deewangi bhar jaate hai .. Khayaloon mein rakh kar tere khawaab jo sajaata .. 

Khawaboon mein aakar tum mere seene se lag jao .. saath baitkar yun hi saath hamare waqt guzaro !
 

Tum jo yaadein dee kar jaate thee .. unse milne ke khawish me mein har roz taakta rehta ..

Raat joh beet jaate tumhare bagair .. dhoondne nikalta andheron mein parchai tumhari !

Tasveer

Dhundli se ek tasveer dil mein chupi hui thi .. Na jaane kab se dil ke koone mein dabi hui thi ..

Uss dhundli se tasveer ko ujala kar doon .. Jis raaste se guzre phoolon ki baarish kardo !

Bhule hum par woh dil na bula paaya .. Aahat bhi agar aayee koi .. milne ko aankhein tarse hamari ..

Aakhir kab tak yeh paheli bani rahegi .. Chah kar bhi tasveer dekhayi nahin dete !

Aur kitne din yun hi tanha katenge .. Yun hi din raat dhundli tasveer khayalon mein banti rahegi !

Kaash ki yeh intejaar khatam jaldi hojaye .. Aur mere samne tasveer mein ho chupe woh Shakhs najar ayee !!