Tum akele nahi
gaye bichad kar humse ..
Hamara kuch hissa
tumhare saath chal diya !
Jee toh hum roz
rahe hai par mann thoda udaas hai ..
Bas itna hai ek
khaali si jagaah dil mein ghar kar gaye !
Tum humse bichad
ke bahut door chale gaye ..
Lekin saath bitaye
pal yaadon ki tarah hamesha saath rahenge !
Tumhein hum harr
din karte hai yaad ..
Chehre ki woh
muskaan aaj bhi humein khush kar jaati ..
Bas zara si
aankhein bheeg jaati hai !
Woh pyaari
harkatein aur masoomiyat ..
Har lamha karte
hai tumhe yaad !
Tum uss jagah pe
ho jahan abb koi gham aur takleef nahi ..
Aur khuda tumhe
apne haaton ki panah de rakha hai !
Aakhir mein yeh
kehkar khatam karta hoon ..
Yaadon ko tumhari
sandook mein bandh kar rakha hai ..
Dil jab udaas hoo
toh usse khol kar unn lamhon ko phir se jee leta hoon !
