Khoo Jaao Na Tum

 Khoo Jaao Na Tum

Mere lafzon se ho rahi hai bayaan ..
Kahi mere sang bitai yaadon mein na khoo jaao na tum !

Tumhari yaado se pareshaan hai hum ..
Khayalo me ho bas tum hi tum !

Tum hamesha se mere hi they sanam ..
Bas dubara se mera haath thaam lo na tum !

Khauf tha kabhi bichrengey na hum ..
Wahi hua jiska dar tha sanam !

Kahi door kinara tha, saath tumhara tha ..
Kashti me safar karke paas aa jaao na tum !

Haath se reet jaise fisalne lagey ..
Kahi mere yaadon se na bikhar jaao na tum !

Kaanch tha dil mera, saath choota tumhara ..
Toot gaya bechara !

Tazgi tumhari madhosh karti thi mujhe ..
Meri duriyo se murjaha na jaao na tum !

Agar saamne aa jau main tere ..
Dubaara meri aankho me doob naa jana tum !

Aakhon mein likhe woh bheeje khat

Band lifafon ki tarah unn aakhon mein ..
Joh likhe woh saare bheege khat ..
Mein shyaam talak padta raha !

Kuch unnke kisse thay ..
Kuch hamari kahani !
Kuch pehchani si manzil thee ..
Kuch raahein anjaani !

Aakhon mein likhe woh bheege khat ..
Mein shyaam talak padta raha !

Tasveerein qaid thee kahi ..
Unn palkon ke darmiyaan !
Phir jaane ko unn ki aakhon mein ..
Mein apni neendon se ladta raha !

Aakhon mein likhe woh bheege khat ..
Mein shyaam talak padta raha !

Kuch kehna chhahta tha ..
Par lafz mere mukar gaye !

Fir Kyun ?

 Tum chale gaye ..
Wapas kyun nahi laut aaye ?

Waadein joh kiye thay ..
Fir kyun woh nibha nahi paaye ?

Chhahat toh dono taraf se thee ..
Fir kyun woh ek hisson mein baant gaye ?

Hamare darmiyaan kuch bhi faasle nahi thay ..
Fir kyun ye dooriyan badha gaye ?

Kuch lamhon ki baatein bata kar ..
Tanhaiyon mein akele kar gaye !

Mujhe Yaad Hai Woh Pehli Mulaqaat

Mujhe yaad hai woh pehli mulaqaat ..
Woh baaton ke darmiyan ..
Tumhare hooton ka woh muskurana !

Kajal lagi aakhon ka ..
Tumhara dheere se jhukana !

Woh chaand ke ujaale mein ..
Tumhara yun sharmana !

Chalte chalte hum dono ka itna kareeb aana ..
Hamein toh ehsaas nahi tha ..
Woh raaton ka itna khaas hoojana !

Abb toh tere aakhon ke shor ko ..
Hum khamosh hokar padhne lage hai !

Mere dil mein uthe hazaar salawan ka tum ..
Ek khoobsurat sa jawaab ban kar aana !

Badalte Rishte

 

Woh takrana ek doosre se ittefaq sa tha ..
Par milna hamara sach tha !
Umr bhar saath nibhane ka wada nahi ..
Par kuch pal saath chalna hamara sach tha !

Uski kahi baatein sab jhooti thee ..
Par woh sachi thee !
Sabhi khwahishein aur sapne jhoote thay ..
Par dil masoom tha !

Usne kabhi poori ki nahi ..
Baatein saab rahi adhoori hee ..
Par uski aakhon ne joh kaha woh sach tha !

Jhoota tha woh rishta jisse jude thay hum dono ..
Par jazbaat thay sach !

Thee woh kisi jhoote khwaab ki tarah ..
Par uska hoona sach tha !