Sawaal

Poocha ussne chura na loon mein uski yaadein aur bhula na doon ishq uska ..

Dhadkano mein jo basaya hai usne .. dhadkano se nikal toh na jaaunga ..

Dekh kar kissi mehjabeen ko  .. daaman chudana loon apna !

Woh jo mujh pe jaan chhidakte hai .. uske badle mein uski jaan na nikaloon ..

Kaha jo tumne mein tumhare liye khass hoon aur ek haseen sapna hoon .. 

To kya woh khass aur woh sapna ... sab jhooth tha ??


Is tarah woh apne ishq ke khair maangne .. karte hai mujhse sawal kayee ..

Jawab toh tha mere pas uske har sawaal ka .. Par khamosh reh gaye ..

Kyun ke uss ke sawalon ka bhi ajeeb andaz tha .. Honton pe hont rakh ke poochti hai .. Bolte Kyun Nahi !!

Dooriyan

Zuban pe the bahut saare lafz .. phir majbooriyan aur ye dooriyan kyun hai ..

Dilon ki baat agar haqiqat hoti .. hamare darmiyan woh khamoshiyan kyun hai !

Buna humne bhi kuch reshmi dhagoon se khawaab .. phir hisse mein hamare woh dooriyan kyun hai !

Kuch hai dooriyan .. kuch hai faaslay ..  Kuch hamein bhi khabar nahi aur tumse bhi na hoota raabta !

Mana ke tujh se dooriyan kuch ziyada hee badh gayee .. Par tere hissay ka waqt aaj bhi tanha guzarta hai !!

Ye dooriyan itni bhi lambi nahi .. ki kadam raste mein hi thak jaaye ..

Dil se pukarke toh dekho .. baste hai hum dhadkano mein tumhare aur palkon se utar aayenge !!

Soch

Sochta roz hoon baatein karna tumse .. Phir sochta hoon ki baat kya karun ..

Kabhi aawaaz dagga de jati hai toh kabhi alfaaz !

Socha batao tumhe mein apne dil ke jazbaat ..  Par lafz kahi gum hogaye laboo se

 
Socha likh ke bayan karoun apne dil mein machalte armano ko ..

Tum khwaboo mein aur khayalon mein basse ho .. 

Kya kahoon tumhe soche bina waqt guzarta nahi !
 

Chalo khwaabon mein milte hai aur neendein baant lete hai .. Jahan baarish mohobaat ki hamein udale jaaye ..

Aisa nahi ki din nahi guzarta aur raat nahi hoti .. Bas kuch adhura sa lagta hai jab baat nahi hoti !
 

Shyam ki tanhai aksar poochte hai hame .. kisse dhoonti hai ye aakhein ..

Chahata dil mera tumhare baaton mein kho jana .. Kash aise dooriyan na hoti !!