Aaj Phir Kagaz Kalam

 

Aaj phir kagaz kalam lekar baitha tujhko likhne ..
Sochta hoon joh jazbaat bankar basse ho tum dil mein ..
Tujhe lafz banakar mein koore kagaz par utaar doon !

Likhne baitha phir mein ruk gaya ..
Soch mein padgaya phir se ki kya likhoon ?

Mere mann ki baichaini likhoon ya khamooshi ..
Akele pann ka sukoon ya mera adhura pal ..
Tere saath ki khushiyan ya tere jaane ka gham ..

Kaise bataoun tujhe jab bhi tujhe yaad karta hoon ..
Mere saath kya kya hoota hai ..
Soch mein pad jaata hoon ki kya likhoon tujhe ?

Toh Samajh Jaana

Agar kabhi tumse ladte ladte gussa hoo jaaun ..
Toh samajh jaana mujhe tumhari zaroorat hai !

Kabhi tumse naaraz hokar tumhe kehdoon mujhse baat mat karna ..
Toh samajh jaana mujhe tumhari zaroorat hai !

Jab kabhi gusee mein tumse agar kehdoon ki mujhe akela chhod do ..
Toh samajh jaana mujhe sirf tumhari zaroorat hai !

Jab kabhi kehdoon chhod kar chale jaao mujhe ..
 .. aur bahut naraaz hojaun tumse ..
Toh jaana maat, bas samajh jaana ..
 .. Ki mujhe bas tumhare saath ki zaroorat hai ..
Tumhari jazoorat hai !

Chal Ek Naye Shuruwat Karte Hai

 

Chal ek nayee shuruwat karte hai ..
Jahan se shuru huwee thee teri meri kahani ..
Uss kahani ko phir se shuru karte hai !

Iss waqt ko phir se thoda aur peeche moodte hai ..
Chal phir se hum dost banjate hai !

Wahi pagal wali harkatein wahi nadaani phir karte hai ..
Joh haseen pal iss mohobaat ne cheen liye hai humse ..
Uss haseen pal ko hum dost ban kar phir jeete hai ..
Chal phir se woh sache wale dost ban jaate hai !

Chal unn bachkani harkaton ko phir se jinda karte hai ..
Joh khatam se hogaye thay mohobbat ke riste main ..
Chal phir se hum sache dost banjate hai ..
Chal hum phir se dosti karte hai !!