Aao Le Chale Tumhe

Aao le chale tumhe apne khamoshiyon ke ghar ..
Sannata bohut hai yahan ..
Sannata bohut hai yahan .. dhadkano ki aawazein bhi sunai dete hai ..
Toh zara sambhal ke chal !

Aao le chale tumhe apne khamoshiyon ke ghar ..
Koi nahi rehta yaha jazbaaton se mohobbat se bhara hai ye mahal ..
To zara sambhal ke chal !

Bahut naazuk hai deewarein yahan ki ..
Kyun ki masoomiyat se bani hai ..
Toh zara sambhal ke chal !

Beshak bana hai mahal khamoshiyon se ..
Par ye pyaar ishq aur mohabbat se bhara hai ..
Toh zara sambhal ke chal !

Aao le chale tumhe apne khamoshiyon ke ghar !!

Aaj Phir Kagaz Kalam

 

Aaj phir kagaz kalam lekar baitha tujhko likhne ..
Sochta hoon joh jazbaat bankar basse ho tum dil mein ..
Tujhe lafz banakar mein koore kagaz par utaar doon !

Likhne baitha phir mein ruk gaya ..
Soch mein padgaya phir se ki kya likhoon ?

Mere mann ki baichaini likhoon ya khamooshi ..
Akele pann ka sukoon ya mera adhura pal ..
Tere saath ki khushiyan ya tere jaane ka gham ..

Kaise bataoun tujhe jab bhi tujhe yaad karta hoon ..
Mere saath kya kya hoota hai ..
Soch mein pad jaata hoon ki kya likhoon tujhe ?

Toh Samajh Jaana

Agar kabhi tumse ladte ladte gussa hoo jaaun ..
Toh samajh jaana mujhe tumhari zaroorat hai !

Kabhi tumse naaraz hokar tumhe kehdoon mujhse baat mat karna ..
Toh samajh jaana mujhe tumhari zaroorat hai !

Jab kabhi gusee mein tumse agar kehdoon ki mujhe akela chhod do ..
Toh samajh jaana mujhe sirf tumhari zaroorat hai !

Jab kabhi kehdoon chhod kar chale jaao mujhe ..
 .. aur bahut naraaz hojaun tumse ..
Toh jaana maat, bas samajh jaana ..
 .. Ki mujhe bas tumhare saath ki zaroorat hai ..
Tumhari jazoorat hai !