Teri Meri Baaton Ka Pitara

 

Woh zamana kahin kho sa gaya hai ..
Samay woh hamara kahin kho sa gaya hai ..
Laut aaye kaash woh pal dubara ..
Teri meri baaton ka pitara kahi kho sa gaya hai !

Baatein hamari do do ghante hooti thee ..
Abb do minute ko be dil taras sa gaya hai ..
Woh zamana kahi kho sa gaya hai !

Fursat nahi milti abb tumhe apne kaamo se  ..
Mere pass bhi waqt thoda kam sa raha hai ..
Teri meri baaton ka pitara kahi kho sa gaya hai !

Pehle fursat nahi hoti kuch aur kaam karne ki ..
Abb waqt guzarne ke liye kaam dhoondna padta hai ..
Kyun ki teri meri baaton ka pitara kahin kho sa gaya hai !!

Ek Din Milne Aana

Sunoo ..
Bahut kuch kehna hai tumse ..
Ek din milne aana !

Zyada kuch nahi thoda sa waqt lete aana..
Kuch adhura reh gaya jo woh saath lete aana !

Thodi shikayat tum karle na ..
Thodi shikayat main kar loonga ..
Bas rooth mat jaana !

Thoda sa hi sahi par jazbaat lete aana ..
Saath bitane ke liye jo khwaab sooche hai humne ..
Woh saare khwaab lete aana !

Sunoo ..
Bahut kuch kehna hai tumse ..
Ek din milne aana !

Lambe Faasle - Long Distance Relation

 

 

 

Teri tasveer ko dekh tere hoone ka ehsaas kar leta hoon ..
Teri yaadon mein jee kar iss pyaar ko aur gehra kar leta hoon !
Tum aaoge ek din milne mujhse ..
Iss khayal se apne dil ko behla leta hoon !

Tumhe dekhne ka mann karta hai ..
Magar chah kar bhi tumhe dekh nahi sakte !
Har pal har ghadi har lamha ..
Koi aisa waqt nahi jab tumhe yaad nahi karte !

Kya tumhe bhi kabhi mera khayaal aata hooga ?
Iss soch se mein har din guzaar deta hoon !

Tumhara mera ye joh dooriyon wala rishta hai ..
Mehez dooriyon ka hai jazbaat ka nahi ..
Ye bata ek doosre ko hum rishte mein jaan bharte hai !

Aaisa he toh hoota hai na duriyon wala rishta ?
Jahan tere intezaar mein har din guzarte chale jaate hai ..
Aur ye pyaar gehra hoota chala jaata hai !