Mujhe Yaad Hai Woh Pehli Mulaqaat

Mujhe yaad hai woh pehli mulaqaat ..
Woh baaton ke darmiyan ..
Tumhare hooton ka woh muskurana !

Kajal lagi aakhon ka ..
Tumhara dheere se jhukana !

Woh chaand ke ujaale mein ..
Tumhara yun sharmana !

Chalte chalte hum dono ka itna kareeb aana ..
Hamein toh ehsaas nahi tha ..
Woh raaton ka itna khaas hoojana !

Abb toh tere aakhon ke shor ko ..
Hum khamosh hokar padhne lage hai !

Mere dil mein uthe hazaar salawan ka tum ..
Ek khoobsurat sa jawaab ban kar aana !

Badalte Rishte

 

Woh takrana ek doosre se ittefaq sa tha ..
Par milna hamara sach tha !
Umr bhar saath nibhane ka wada nahi ..
Par kuch pal saath chalna hamara sach tha !

Uski kahi baatein sab jhooti thee ..
Par woh sachi thee !
Sabhi khwahishein aur sapne jhoote thay ..
Par dil masoom tha !

Usne kabhi poori ki nahi ..
Baatein saab rahi adhoori hee ..
Par uski aakhon ne joh kaha woh sach tha !

Jhoota tha woh rishta jisse jude thay hum dono ..
Par jazbaat thay sach !

Thee woh kisi jhoote khwaab ki tarah ..
Par uska hoona sach tha !

Aaj Phir Chhalak Gaye Aansuon

Aaj phir chhalak gaye aansuon meri aankhon se ..
Kuch boonde teri yaadon ke ..
Kuch boonde teri baaton ke !

Aaj phir meri saansein tej chalne lage hai ..
Kuch saansein tere ehasaas ke ..
Kuch saansein tere jazbaat ke !

Aaj phir mujhe meri khwaishein bulane lage hai ..
Kuch khwahish tujhe paane ki ..
Kuch khwahish tera ho jaane ki !

Aaj phir tere yaadon ne dil par dastak di hai ..
Kuch yaadein teri ehsaas ki ..
Kuch yaadein tujhse judaa hone ki !

Aaj phir meri tanhaiyon ne mujhe jagaaya hai ..
Kuch tanha beete huwi shaamein ..
Kuch tanha kaati huwi raatein ..
Aur kuch tanha guzaare huwe pal !!