Ek Din Milne Aana

Sunoo ..
Bahut kuch kehna hai tumse ..
Ek din milne aana !

Zyada kuch nahi thoda sa waqt lete aana..
Kuch adhura reh gaya jo woh saath lete aana !

Thodi shikayat tum karle na ..
Thodi shikayat main kar loonga ..
Bas rooth mat jaana !

Thoda sa hi sahi par jazbaat lete aana ..
Saath bitane ke liye jo khwaab sooche hai humne ..
Woh saare khwaab lete aana !

Sunoo ..
Bahut kuch kehna hai tumse ..
Ek din milne aana !

Lambe Faasle - Long Distance Relation

 

 

 

Teri tasveer ko dekh tere hoone ka ehsaas kar leta hoon ..
Teri yaadon mein jee kar iss pyaar ko aur gehra kar leta hoon !
Tum aaoge ek din milne mujhse ..
Iss khayal se apne dil ko behla leta hoon !

Tumhe dekhne ka mann karta hai ..
Magar chah kar bhi tumhe dekh nahi sakte !
Har pal har ghadi har lamha ..
Koi aisa waqt nahi jab tumhe yaad nahi karte !

Kya tumhe bhi kabhi mera khayaal aata hooga ?
Iss soch se mein har din guzaar deta hoon !

Tumhara mera ye joh dooriyon wala rishta hai ..
Mehez dooriyon ka hai jazbaat ka nahi ..
Ye bata ek doosre ko hum rishte mein jaan bharte hai !

Aaisa he toh hoota hai na duriyon wala rishta ?
Jahan tere intezaar mein har din guzarte chale jaate hai ..
Aur ye pyaar gehra hoota chala jaata hai !

Ek Mulaqaat

Kitna waqt hogaya hai hamein ..
Chalo ek mulaqaat karte hai !

Hakikat mein nahi khwabon mein sahi ..
Aao waqt nikal kar ..
Hum hamare baare mein kuch baat karte hai ..
Kuch apne kisse sunane hai aur kuch tumhare sunne hai !

Baatein jo hooni thee hum dono ke bich ..
Kahi tham se gaye hai ..
Kya majboori hai ya zamaane ka darr hai ?

Hakikat mein nahi khaboob mein sahi ..
Tum waqt nikaal kar toh aana ..
Hum hamare baare mein kuch baat karte hai !

Kitna waqt hogaya na chalo ek mulaqaat karte hai !!