Baarish - A Tale of Untold Emotions

Baarish ! Haan huwe hai aaj baarish mere shehar mein ..
Gire hai moti aasooun ke aakhon se ..
Baarish kuch alag si hai mere shehar ki ..
Khabar jiski kisi ko nahi !

Shor ! Haan shor bhi huwa hai mere hee shehar mein ..
Garje hai aaj baadal unn yaadon ke ..
Shor kuch alag sa hai mere shehar mein ..
Khabar jiski kisi ko nahi !

Bheeg raha hoon aaj mein apne sheher main ..
Tum chale gaye ho joh meri zindagi se ..

Bheeg raha hoon aaj inhe aakhon ki baarish mein ..
Khabar jiski shayad tujhe bhi nahi hai !

Sunn raha hoon chhup chaap iss shor ko akele ..
Barsaat ka ye mausam kyun hai alag sa mere shahar mein ?
Khabar iss ki kisse ko kyun nahi hai !

Teri Meri Baaton Ka Pitara

 

Woh zamana kahin kho sa gaya hai ..
Samay woh hamara kahin kho sa gaya hai ..
Laut aaye kaash woh pal dubara ..
Teri meri baaton ka pitara kahi kho sa gaya hai !

Baatein hamari do do ghante hooti thee ..
Abb do minute ko be dil taras sa gaya hai ..
Woh zamana kahi kho sa gaya hai !

Fursat nahi milti abb tumhe apne kaamo se  ..
Mere pass bhi waqt thoda kam sa raha hai ..
Teri meri baaton ka pitara kahi kho sa gaya hai !

Pehle fursat nahi hoti kuch aur kaam karne ki ..
Abb waqt guzarne ke liye kaam dhoondna padta hai ..
Kyun ki teri meri baaton ka pitara kahin kho sa gaya hai !!

Ek Din Milne Aana

Sunoo ..
Bahut kuch kehna hai tumse ..
Ek din milne aana !

Zyada kuch nahi thoda sa waqt lete aana..
Kuch adhura reh gaya jo woh saath lete aana !

Thodi shikayat tum karle na ..
Thodi shikayat main kar loonga ..
Bas rooth mat jaana !

Thoda sa hi sahi par jazbaat lete aana ..
Saath bitane ke liye jo khwaab sooche hai humne ..
Woh saare khwaab lete aana !

Sunoo ..
Bahut kuch kehna hai tumse ..
Ek din milne aana !